虎虎生威

 

 

收爐日，編輯部各位才子才女傾盡過剩文采，為虎年貢獻創意揮春，歡迎對號入座，各取所需：

 

虎中作樂

虎中一點甜

虎口良藥

虎舞飛揚

精精日上  or 精精北上 (For men only)

禮義廉齒

我，都係鍾意不勞而獲，虎頭龍尾，王子唔好變青蛙，還原/加番人工就一定笑哈哈。

 

************

 

過年開電視，虎年果然虎虎生威。

 

新聞報道，美國總統奧巴馬、加拿大總理哈珀、澳洲總理陸克文以至聯合國秘書長潘基文，也嚮應中國節慶，公開跟中國人拜年。背後那句大國崛起的潛台詞，跨過太平洋再跨過大西洋都睇得到。

 

還是熟悉的卡通人物拜年，更感親切。你喜歡上圖的Snoopy家族，還是引起激烈議論，睇完都唔知係特首新年賀辭的「回家真好」麥兜賀年動畫？

 

天呀，點解電視台凌晨的賀年節目，勁唱舊歌，做到好似中央台春節晚會咁？轉台看春晚直播，以為時光倒流30年。是的是的，這年頭正值下元八運，懷舊有運行。

 

年初一 crossover情人節 ，又虎又甜，想點就點。祝各位虎虎生威，龍精虎猛，萬事勝意，日日開心。